اسلام آباد۔02اگست(اے پی پی)وزیرِ اعظم عمران خان دے زیر صدارت وفاقی دارالحکومت دے ماسٹر پلان بارے اعلیٰ سطحی اجلاس تھئے جیندے اچ معاون خصوصی ذوالفقارعباس بخاری، ممبر قومی اسمبلی اسد عمر، چیئرمین سی ڈی اے عامر احمد علی اور تعمیرات، ٹاون پلاننگ، ماحولیات، قانون و دیگر متعلقہ شعباں دے ماہرین شریک تھین۔ اجلاس اچ وفاقی دارالحکومت اچ بے ربط تعمیرات، بغیرکہیں جامع منصوبہ بندی دے شہر دے پھیلاو اتے ایں سانگے عوام کوں مشکلاں سودھا ماحولیاتی و انتظامی مسائل تے الوایا گئے۔اجلاس نال الویندے ہوئے وزیراعظم عمران خان آکھیے جو اگیں وفاقی دارالحکومت دی آبادی اچ مسلسل ودھارے ، شہر دے پھیلاو اتے انتظامی مسائل دے حل کوں سروں نظر انداز کیتا گئے،تمعیرات ودھین اتے گرین ایریازمکین جیندے نال ماحولیاتی تبدیلیاں دے منفی اثرات بئے ودھین،آلودگی تے وی قابو پاونڑ دی لوڑھ اے۔ انہاں ہدایت کیتی جو اسلام آباد دے شہری مسائل اتے لوکاں کوں سوکھ ڈیونڑ کیتے اسلام آباددے ماسٹر پلان دا ازسر نو جائزہ گھنڑ دی لوڑھ اے،علاقے اچ گرین ایریاز دے تحفظ دے اقدامات بارے متعلقہ قوانین کوں تیکھے چھیکڑی شکل ڈتی ونجے۔انہاں ا کھیے جو نیا پاکستان ہاوسنگ منصوبے دے تحت اسلام آباددیاں کچی آبادیاں دے رہائشیاں کوں چنگیاں رہائشی سہولتیں ڈیونڑ تے کم تھیندا پئے۔اجلاس اچ چیئرمین سی ڈی اے اسلام آباد اچ شروع تھیونڑ آلی شجر کاری مہم تے وی وزیرِ اعظم کوں بریفنگ ڈتی۔
وزیرِ اعظم عمران خان دے زیر صدارت وفاقی دارالحکومت دے ماسٹر پلان بارے اعلیٰ سطحی اجلاس
مضمون کا ماخذ : loteria do Paraná
متعلقہ مضامین
