اسلام آباد ۔ 2 جولائی (اے پی پی) پاکستان تحریک انصاف دے وائس چیئرمین و وزیر خارجہ مخدوم شاہ محمود قریشی نال ممبر قومی اسمبلی ثناءاﷲ مستی خیل و سابق صوبائی وزیر خیبرپختونخوا سمیع اﷲ علیزئی خمیس کوں وزارت خارجہ اچ ملاقات کیتی۔ ملاقات دے دوران ملک اچ کورونا وبا تے موجودہ ملکی سیاسی صورت حال تے گال مہاڑ کیتی گئی ۔ وزیر خارجہ آکھیے جو کورونا وباءدے کھنڈنڑ کوں روکنڑ کیتے ٹائیگر فورس کوں یونین کونسل تے وارڈ دی سطح تے متحرک کرنڑ دا فیصلہ کیتا گیا ۔ انہاں آکھیے جو وزیراعظم عمران خان دی ہدایات دی روشنی اچ تحریک انصاف دے ممبران پارلیمنٹ اپنڑے اپنڑے حلقیں اچ کورونا ریلیف ٹائیگر فورس دی معاونت و نگرانی کریسن تاں جو سمارٹ لاک ڈاون تے عملدرآمد دے ذریعے کورونا وباءدے کھنڈنڑ کوں موثر انداز اچ روکیا ونج سگے۔
مضمون کا ماخذ : لوٹیریا علاقائی
