اسلام آباد ۔ 22 اکتوبر (اے پی پی) وفاقی وزیر اطلاعات و نشریات چوہدری فواد حسین مقبوضہ کشمیر اچ بھارتی بربریت دی شدید مذمت کریندے ہوئیں آکھیے جو پرانڑیں مسئلہ کشمیر دے حل کیتے بغیر جنوبی ایشیا اچ پائیدار امن دا خواب پورا کائنی تھی سگدا ، مقبوضہ کشمیر اچ نہتے شہریاں داوہندا خون اقوام متحدہ دے ضمیر تے داغ اے ، مقبوضہ کشمیر اچ بھارتی قابض فوج دی بندوق اتے ظلم دانشانہ عالمی ضمیر بنڑدا پئے ،کشمیری اپنڑے حق خود ارادیت دا عالمی وعدہ پورا نہ تھیونڑ دی وجہ توں بھارتی درندگی دا نشانہ بنڑدے پن ، ودھدا ہویا ظلم بھارت دی مقبوضہ وادی اچ شکست دااعتراف اے ۔سنوار کوں اپنڑے ہک بیان اچ وفاقی وزیر اطلاعات و نشریات چوہدری فواد حسین آکھیا جو مقبوضہ کشمیر دیں ماواں ،بھینڑیں ،بال ،نینگر تے بڈھے لوکاں حیرت دی تابندہ مثال قائم کیتی اے ۔انہاں آکھیا عالمی برادری اقوام متحدہ دے کشمیریاں نال کیتے گے اپنڑے وعدے پورے کرنڑ اچ کردار ادا کرے ۔
وفاقی وزیر اطلاعات و نشریات چوہدری فواد حسین دی مقبوضہ کشمیر اچ بھارتی بربریت دی مذمت
مضمون کا ماخذ : لاٹری کی تجزیاتی ایپ
متعلقہ مضامین
