اسلام آباد ۔ 18 اکتوبر (اے پی پی) وفاقی وزیر مذہبی امور و بین المذاہب ہم آہنگی پیر نورالحق قادری آکھیے جووزیراعظم عمران خان دا وژن ملک کوں ترقی اتے عوام کوں خوشحالی دے رستے تے ٹورنڑ اے ، ساریاں سیاسی جماعتاں تحمل دا مظاہرہ کریندے ہوئیں منتخب عوامی حکومت کوں کم کرنڑ دا موقع ڈیون ، پاکستان کوں مدینہ جیہوجی ریاست بنڑاونڑ سانگے ساریاں صلاحیتاں کوں بروئے کار گھن آیاں ویسن ، وزیراعظم عمران خان عمرے دی ادائیگی سانگے سعودی عرب گے تاں عقیدت نال ریاست مدینہ دی سرزمین تے بغیر جتیںدے قدم رکھیا۔ او گذریل ڈینھ مسلم ہینڈز ولوں اپنڑے اعزاز اچ ڈتے گے عشائیے اچ شرکاءنال خطاب کریندے پے ہن ۔ عشائیے اچ مسلم ہینڈز دے عہدیداران اتے زندگی دے مختلف شعبیں نال تعلق رکھنڑ آلے لوکاں شرکت کیتی ۔وفاقی وزیر مذہبی امور ڈاکٹر نور الحق قادری آکھیا جو موجودہ حکومت غریب ،متوسط طبقے کوں ریلیف ڈیونڑ ،اداریں اچ اصلاحات ،کرپشن دے خاتمے منی لانڈرنگ کوں روکنڑ سانگے جنگی بنیاداں تے کم کریندی پئی اے ۔
وزیراعظم عمران خان دا وژن ملک کوں ترقی اتے عوام کوں خوشحالی دی شاہراہ تے گامزن کرنڑ اے،وفاقی وزیر مذہبی امور پیر نورالحق قادری
مضمون کا ماخذ : بلوچستان لاٹری
متعلقہ مضامین
