اسلام آباد ۔ 9 اگست (اے پی پی)وزیراعظم دے معاون خصوصی صحت ڈاکٹر ظفر مرزا میڈیا تے چلنڑ آلیاں خبراں دا نوٹس گھن گھدے ۔ سعودی عرب اچ پاکستانی ڈاکٹراں دی نوکریاں ختم تھیندیاں پن ۔وزارت صحت دے ذرائع دے مطابق ڈاکٹر ظفر مرزا وزارت قومی صحت کوں سعودی حکومت نال رابطے دی ہدایت کیتی اے۔ ڈاکٹر ظفر مرزا ڈسائے سعودی حکومت دے تعاون نال پوری تحقیقات کیتیاں ویسن، حقائق سامنڑے آونڑ تے سعودی حکومت دے تعاون نال مسئلہ حل کیتا ویسی۔ ڈاکٹر ظفر مرزا مزید آکھیا جو اوکھے ویلھے اچ اوورسیز ڈاکٹرز کوں کلھا کائناں چھوڑیسوں ، وزیراعظم اوورسیز پاکستانیاں کوں سہولتاں دی فراہمی دی ہدایت کیتی اے ،یاد رہے جو متاثر تھیونڑ آلے بہوں سارے ڈاکٹرز کوں سعودی وزارت صحت 2016ءاچ کراچی ، لاہور اتے اسلام آباد اچ انٹرویوز دے بعد تعینات کیتا گیا ہئی۔
مضمون کا ماخذ : سشی ایکسپریس
