اسلام آباد۔ 10 اگست (اے پی پی)اسلام آباد اچ پریس کانفرنس کریندے ہوئے وزیر خارجہ شاہ محمود قریشی آکھیے جو مسئلہ کشمیر تے دورہ چین چنگاں رہے،چین مسئلہ کشمیر تے سلامتی کونسل اچ مکمل حمایت دی یقین دہانی کرائی اے، چین سمجھدے جو مقبوضہ جموں و کشمیر متنازعہ معاملہ اے جیندا حل سیکورٹی کونسل دیاں قرارداداں دے مطابق ہی تھی سگدے،بھارت دے یکطرفہ اقدامات خطے دی امن و سلامتی کوں خطے اچ پاءسگدن،اساں امن دے حامی ہیں، جنگ کوں خود کشی سمجھیندے ہیں بھل کہیں وی جارحیت دا دفاع کرنڑ دا وی پورا حق اتے صلاحیت رکھیندے ہیں۔انہاں دورہ چین دی تفصیل وی ڈسائی جو چینِ دے وزیر خارجہ وانگ ژی نال نیشنل سیکورٹی کمیٹی دے فیصلاں اتے مقبوضہ جموں و کشمیربارے اپنڑی پوزیشن انہاں کوں ڈسائی،چین توقع دے مطابق رد عمل ڈتے اتے ثابت کیتے جو چین ہر اوکھ سوکھ اچ ساڈا تکڑا سنگتی اے،چین سلامتی کونسل اچ ساڈی حمایت کیتے اپنرے نمائندے وی نامزد کر ڈتن،ایندے کیتے چین اتے پاکستان وزارت خارجہ اچ ہک ہک فوکل پرسن وی مقرر کیتا گئے۔وزیر خارجہ آکھیے جو مقبوضہ کشمیر اچ بھارتی اقدامات نال سنگین صورتحال پیدا تھیندی پئی اے،پاکستان اے سازش کامیاب نہ تھیونڑ ڈیسی جیویں ہندوستان جگ کوں اے تاثر ڈیندا پئے جو آرٹیکل 370 اتے 35 اے کوں چھیڑن اوندا اندرونی معاملہ اے، پاکستان ایندے تے پورے جگ اچ آواز چیسی جو بھارت کشمیر اچ رت وھیندا پئے،اساں 14 اگست کوں یوم یکجہتی کشمیرمنیسوں اتے 15 اگست کوں پوری قوم یوم سیاہ منیسی۔انہاںا ٓکھیے جوکشمیر دے معاملے تے چین دی حمایت توں بعد عالمی برادری نال گالھ مہار تھیندی پئی اے،انڈونیشیا دے وزیر خارجہ نال وی الوائے،پولینڈ دے وزیر خارجہ نال الویساں کیوں جو سیکورٹی کونسل دی صدارت پولینڈ کولو اے۔
مسئلہ کشمیر تے دورہ چین چنگاں رہے،چین مسئلہ کشمیر تے سلامتی کونسل اچ مکمل حمایت دی یقین دہانی کرائی اے، وزیر خارجہ
مضمون کا ماخذ : لکی لیڈیز چارم
متعلقہ مضامین
