اسلام آباد ۔ 7 اگست (اے پی پی) وفاقی وزیر امور کشمیر و گلگت بلتستان علی امین گنڈا پور آکھیے جو کشمیر اساڈی شہ رگ اے ‘ کشمیری پاکستان کیتے قربانیاں ڈیندے پن ،اساں انہاں کوں اے واضح پیغام ڈیندوں جو انہاں دی جدوجہد آزادی اچ اساں انہاں دے رلے ہوں ‘ وزیراعظم عمران خان اتے دفاعی قیادت بھارت دے اقدامت دا بھرپور جواب ڈتے ‘ کشمیریاں دی ظلم و تشدد دے باوجود جدوجہد آزادی تے انہاں کوں سلام پیش کریندوں ۔ بدھ کوں پارلیمنٹ دے مشترکہ اجلاس اچ مقبوضہ کشمیر دی صورتحال تے جاری بحث اچ حصہ گھندے ہوئیں وزیر امور کشمیر و گلگت بلتستان علی امین گنڈاپور آکھیا جو اساں بھارتی فیصلے کوں مسترد اتے ایندی مذمت کریندوں ۔ایندے نال بھارت دا مکروہ چہرہ سامنڑے آگے ۔ مودی بھارت اچ صرف ہندو راج چاہندے۔ کشمیری جیویں لڑدے پن اساں انہاں کوں سلام پیش کریندوں۔ ہک لکھ کشمیری شہید‘ 1.5لکھ قید ‘ہک لکھ بال یتیم ،30ہزار تریمتاں بیوہ تھن ،عالمی برادری آواز چاوے اساں سارے اداریں توں مطالبہ کریندوں اپنڑاں کردار ادا کرن ۔اقوام متحدہ سلامتی کونسل دیاں قرارداداں تے عمل تھیونڑاں چاہیدے ۔
کشمیر اساڈی شہ رگ اے‘ کشمیری پاکستان کیتے قربانیاں ڈیندے پن ‘ علی امین گنڈا پور
مضمون کا ماخذ : لوٹیریا سانتا کیٹرینا
متعلقہ مضامین
