اسلام آباد۔ 29 اگست (اے پی پی) وزیراعظم عمران خان حج پارے حکومتی پالیسی،حج دے انتظامات اتے حاجیاں کوں چنگی سہولتاں ڈیونڑ سانگے تجویزاں دی اصولی منظوری ڈیندیں ہوئیں ہدایت کیتی جو انہاں تجویزاں کوں ہک مہینے اچ کابینہ دے سامنڑے پیش کیتا ویسی، روڈ ٹو مکہ پراجیکٹ دی سہولت پاکستان دے سارے حاجیاں کوں ڈیونڑ سانگے سعودی عرب حکومت توں گزارش کریسن۔انہاں اے گالھ خمیس کوں حج آپریشنز 2019ءدا جائزہ اجلاس دی صدارت کریندیں ہوئیں آکھی۔اجلاس اچ وزیرِ مذہبی امور پیر نور الحق قادری، مشیر برائے وزیرِ اعظم محمد شہزاد ارباب، سیکرٹری وزارتِ مذہبی امور، سیکرٹری خارجہ تے بے سینئر افسر شریک تھیے۔ وزیرِ اعظم دے مشیر محمد شہزاد ارباب، جنہاں کوں وزیرِ اعظم ولوں حج دے انتظامات دی نگرانی سانگے خصوصی طور مقرر کیتا گیا ہئی ،انہاں وزیراعظم کوں حج توں پہلے،حج اچ اتے حج دے بعد حاجیاں سانگے کیتے گئے اقدامات تے تفصیلی بریفنگ ڈتی۔وزیراعظم کوں ڈسیا گیا جو سرکاری کوٹے تے حج دی سعادت حاصل کرنڑ آلی حاجیاں سانگے حج توں پہلے اتے حج دے بعد کیتے ونجنڑ آلے سارے انتظامات دی ذمہ واری حکومت پاکستان دے حج مشن ولوں جڈانجو حج دے ایم اچ (منیٰ، عرفات اتے مزدلفہ) دے انتظامات سعودی حکام ولوں نبھیندے پن۔وزیراعظم کوں ڈسیا گیا جو ڈو لکھ حج کوٹے کوں 1,23,316 سرکاری سکیم جڈانجو 76,684 نجی کمپنیاں اچ تقسیم سانگے مختص کیتا گے۔
وزیراعظم عمران خان دی صدارت اچ حج آپریشنز 2019ءدا جائزہ اجلاس
مضمون کا ماخذ : مصری ڈریمز ڈیلکس
متعلقہ مضامین
