اسلام آباد ۔ 21 اگست (اے پی پی) وزیراعظم عمران خان دی زیر صدارت ملک اچ پولیو دی صورتحال تے بدھ کوں اعلیٰ سطح دا اجلاس منقد تھئے ۔اجلاس اچ معاون خصوصی نیشنل ہیلتھ ڈاکٹر ظفر مرزا، وزیر اعلی خیبر پختونخوا، وزیر اعلی بلوچستان، چیف سیکرٹری پنجاب اتے چیف سیکرٹری سندھ اتے بئے سینئر افسر موجود ہن۔بین الاقوامی پارٹنر اداریں بل اینڈ میلنڈا گیٹس توں ڈاکٹر ٹم پیٹر سن، ورلڈ ہیلتھ آرگنائزیشن توں ڈاکٹر پلیتھا گونارستھنا ماہی پالے، یونیسیف توں ڈاکٹر جون ایگبور، انجینئر انچیف لیفٹینٹ جنرل معظم اعجاز، پاکستان اچ کینیڈا دی ہائی کمشنر وینڈی گلمور وی اجلاس اچ موجود ہن ۔وزیر اعظم دے فوکل پرسن انسداد پولیو بابر عطاءملک اچ پولیو دی موجودہ صورتحال اتے آندے لائحہ عمل تے تفصیلی بریفنگ ڈتی۔ وزیر اعلی خیبر پختونخوا، وزیر اعلی بلوچستان، چیف سیکرٹری پنجاب اتے چیف سیکرٹری سندھ ولوں متعلقہ صوبیں اچ پولیو مکاونڑ کیتے چاتے گے اقدامات تے بریفنگ ڈتی گئی ۔
وزیراعظم عمران خان دی زیر صدارت ملک اچ پولیو دی صورتحال تے اعلی سطح دا اجلاس
مضمون کا ماخذ : میگا ملینز کی پیشن گوئی
متعلقہ مضامین
