اسلام آباد ۔ 6 جولائی (اے پی پی) وفاقی وزیر اطلاعات و نشریات سینیٹر شبلی فراز آکھیے جو فنکاراں کوں انہاں دے کم دی رائلٹی ملنڑ انہاں دا حق اے ، کاپی رائٹس دے تحفظ کوں یقینی بنڑاونڑ کیتے عملی اقدامات چیسوں ، فلم ٹاسک فورس دا قیام وختی توں وختی عمل اچ گھن آیا ویسی جیں اچ حکومتی عہدیداراں دے نال نال فلم انڈسٹری توں وابستہ ناویں کوں شامل کیتا ویسی ۔اے گال انہاں سنوار کوں فلمی صنعت نال جڑیے فنکاراں تے بئے سٹیک ہولڈرز دے نال ویڈیو لنک دے ذریعے اجلاس اچ آکھی اے ۔ اجلاس اچ سیکرٹری اطلاعات اکبر درانی، ڈائریکٹر جنرل الیکٹرانک میڈیا اینڈ پبلیکیشنز عمرانہ وزیر، چیئرمین سنٹرل فلم سنسر بورڈ دانیال گیلانی اتے بئے افسراں شرکت کیتی ۔ اجلاس اچ فلمی صنعت کوں پیش آندے مسئلیں تے انہاں دے مجوزہ حل زیر بحث آئے ۔ وفاقی وزیر اطلاعات و نشریات سینیٹر شبلی فراز آکھیے جو اساڈے فنکار اساڈی شناخت اتے قومی اثاثہ ہن، ملکی ثقافت دے ودھارے تے قومی تشخص کوں پروان چڑھاوںڑ اچ انہاں دا کلیدی کردار اے ، وزیراعظم عمران خان دی قیادت اچ حکومت فنکاراں کوں قدر دی نگاہ نال ڈیکھدی اے ۔
فنکاراں کوں انہاں دے کم دی رائلٹی ملنڑ انہاں دا حق اے ، وفاقی وزیر اطلاعات و نشریات سینیٹر شبلی فراز
مضمون کا ماخذ : como jogar lotofácil
متعلقہ مضامین
